უფასო გამოკვლევები მარტვილში 17_18 ოქტომბერს ჩატარდება

.

აფხაზეთის ავტონომიური რესპუბლიკის ჯანმრთელობისა და სოციალური დაცვის სამინისტრო „აფხაზეთიდან იძულებით გადაადგილებულ პირთა გასვლითი პროფილაქტიკური სამედიცინო გასინჯვების“ პროგრამის ფარგლებში,  17-18 ოქტომბერს   სამეგრელოს რეგიონში, კერძოდ, ქ.მარტვილში მშვიდობის ქ.#111 მდებარე ჰოსპიტალ „სამედიცინო კორპორაცია ევექს“_ში აფხაზეთიდან დევნილებისთვის უფასო,  მაღალკვალიფიციურ სამედიცინო გამოკვლევებს ჩაატარებს. აქციაში მონაწილეობას მიიღებენ თბილისის წამყვანი კლინიკების ექიმები, აგრეთვე აფხაზეთის სამედიცინო დაწესებულებების  წამყვანი  სპეციალისტები.   აქციის ფარგლებში გაიცემა უფასო მედიკამენტები.

სამედიცინო ჯგუფის შემადგენლობაში იქნებიან:

ოჯახის ექიმი, თერაპევტი, პედიატრი, კარდიოლოგი, ნევროლოგი, გინეკოლოგი, ქირურგი, ოფთალმოლოგი, ოტორინოლარინგოლოგი, ენდოკრინოლოგი, უროლოგი, ულტრასონოგრაფიის აპარატურით აღჭურვილი 2 სპეციალისტი, ექიმი-ლაბორანტი,   დერმატოლოგი, კარდიოლოგი.

 ჩატარდება შემდეგი ლაბორატორიული გამოკვლევები:

  1. გლუკოზის განსაზღვრა სისხლში.

ინსტრუმენტული გამოკვლევები (საჭიროების შემთხვევაში):

  1. ულტრასონოსკოპია (მუცლის ღრუს ორგანოების, ფარისებრი ჯირკვლის);
  2. ელექტროკარდიოგრაფია.