დევნილებს უფასო გამოკვლევები ჩაუტარდათ

.

22- 23  აპრილს, „აფხაზეთიდან იძულებით გადაადგილებულ პირთა გასვლითი პროფილაქტიკური სამედიცინო გასინჯვების“ პროგრამის ფარგლებში, აფხაზეთის ავტონომიური რესპუბლიკის ჯანმრთელობისა და სოციალური დაცვის სამინისტროს მიერ    აფხაზეთიდან დევნილი მოსახლეობის თხოვნით, კახეთის რეგიონში (საგარეჯოს მუნიციპალიტეტი) და ქვემო ქართლის რეგიონში (გარდაბნის მუნიციპალიტეტი),განხორციელდა უფასო სამედიცინო გასინჯვები. ღონისძების დროს გასინჯული იქნა  200- მდე ბენეფიციარი. სამედიცინო გამოკვლევები საგარეჯოში დევნილებს საკუთარ ჩასახლებაში ჩაუტარდათ.რამაც ხელი შეუწყო გამოკვლევების ხელმისაწვდომობას მათთვის, ვისაც გადაადგილების პრობლემა აქვს.

სამედიცინო ჯგუფის შემადგენლობაში იყვნენ: ოჯახის ექიმი, თერაპევტი, პედიატრი, კარდიოლოგი, ნევროლოგი, გინეკოლოგი, ქირურგი, ოფთალმოლოგი, ოტორინოლარინგოლოგი, ენდოკრინოლოგი, უროლოგი, ულტრასონოგრაფიის აპარატურით აღჭურვილი  სპეციალისტი, დერმატოლოგი, ლაბორანტი.

 ღონისძებას მონიტორინგს აფხაზეთის ავტონომიური რესპუბლიკის ჯანმრთელობისა და სოციალური დაცვის მინისტრი, ქეთევან ბაკარაძე უწევდა.

  ჩატარდა შემდეგი ლაბორატორიული გამოკვლევები:

  1. გლუკოზის განსაზღვრა სისხლში.

 

  ინსტრუმენტული გამოკვლევები (საჭიროების შემთხვევაში):

  1. ულტრასონოსკოპია (მუცლის ღრუს ორგანოების, ფარისებრი ჯირკვლის, სარძევე ჯირკვლის);
  2. ელექტროკარდიოგრაფია.

ღონისძების დროს დარიგდა უფასო მედიკამენტები.

 

IMG_6808